သၽႃႇဝ
ၵူၼ်းတၢႆယွၼ်ႉ ၾႃႉၽႃႇ 47 ၵေႃႉ
- Details
- Published Date
- Written by ယိင်းလွႆတွၼ်း
ၶၢဝ်ႇၵမ်ႇပူးၶျႃးၸေႈဝဵင်း ပိူၺ်ႊဝႅင်ႊ ဢၼ်ယၢၼ်ၵႆမိူင်းၽၼူမ်ႊပဵၼ်ႊမွၵ်ႈ 60 လၵ်း ႁၢႆးငၢၼ်းလၢတ်ႈဝႃႈ ၼႂ်းပီႊ 2555 ၼႆႉ မီးၵူၼ်းတၢႆယွၼ်ႉၾႃႉၽႃႇ 47 ၵေႃႉယဝ်ႉ ၵမ်ႉပႃႈၼမ်ပဵၼ်ၵူၼ်းၸိူဝ်းယူႇၸွမ်းဝၢၼ်ႈၸိူဝ်းႁဵတ်းႁႆႈႁဵတ်း ၼႃးႁႃလဵင်ႉတွင်ႉၼႆ။
တင်ႈတႄႇလိူၼ် ၵျၼ်ႊၼဝႃႇရီ တေႃႇထိုင်လိူၼ်မႄႊၼႆႉ ၵူၼ်းမိူင်းၵမ်ႇပူးၶျႃးလႆႈလူႉတၢႆယွၼ်ႉၽေး သၽႃႇဝ ၾႃႉၽႃႇ47 ၵေႃႉလႄႈမၢတ်ႇၸဵပ်းထႅင်ႈ 40 ၵေႃႉ ဢိၵ်ႇတင်းဝူဝ်းၵႂၢႆးတၢႆပႃး 27 တူဝ်၊လိူဝ်ၼၼ်ႉယင်းမီးႁိူၼ်းယေး လူႉပင်းၸွမ်း 3 လင်ဝႃႈၼႆ။
ႁူမ်ႈၵူၼ်းလူႉတၢႆယွၼ်ႉၾႃႉၽႃႇပီၼႆႉလႄႈပီၵၢႆ2011 (2554) ပီပူၼ်ႉမႃးၼၼ်ႉ ဢမ်ႇပေႃးပိူင်ႈၵၼ် ၵႃႈႁိုဝ် မိူဝ်ႈပီ 2554 ၼၼ်ႉ ၵူၼ်းလူႉတၢႆယွၼ်ႉၾႃႉၽႃႇႁူမ်ႈ 165 ၵေႃႉလႄႈလႆႈမၢတ်ႇၸဵပ်း 139 ၵမ်ႉပႃႈၼမ်ပဵၼ်ၼၢင်းယိင်း 55 လႄႈလုၵ်ႈဢွၼ်ႇ 23 ၵေႃႉ။ လိူဝ်ၼၼ်ႉ မိူဝ်ႈပီ 2010 (2553) ၼၼ်ႉသမ်ႉ 114 ၵေႃႉ လႄႈၼ်းပီ 2009 (2552) ၼၼ်ႉသမ်ႉ 140 ၵေႃႉ ဝႃႈၼႆ။
လႅင်ႇၶၢဝ်ၵမ်ႇပူးၶျႃးႁၢႆးငၢၼ်းဝႃႈ ၼႂ်းၸေႈဝဵင်း 24 ၸေႈဝဵင်းၶွင်ၵမ်ႇပူးၶျႃးၼၼ်ႉ မီး 15 ၸေႈဝဵင်းၸိူဝ်းလႆႈႁပ်ႉထူပ်း ၽေးၾႃႉၽႃႇၼႂ်းပီၼႆႉ ႁူမ်ႈပႃးၸေႈဝဵင်း ပိူၺ်ႊဝႅင်ႊ ၵမ်ႊပူင်ႊၸၢမ်ႊ လႄႈၽူဝ်ႊထိသတ်ႊ။ ၼႂ်ႊၸေႈဝဵင်း 3 ၸေႈ ဝဵင်းၼႆႉ လႆႈႁပ်ႉထူပ်းၽေးၾႃႉၽႃႇၼမ်လိူဝ်ပိူၼ်ႈ ၵူၼ်းၸိူဝ်းလူႉတၢႆယွၼ်ႉၾႃႇၽႃႇၼၼ်ႉ ၵမ်ႉၼမ်ပဵၼ်ၵူၼ်း ႁဵတ်းႁႆႈႁဵတ်းၼႃး ၽေးၾႃႉၽႃႇၼႆႉတေပဵၼ် ၼႂ်းၶၢဝ်းၾူၼ်လိူၼ် မေႊ တေႃႇထိုင် လိူၼ်ဢွၵ်ႊတူဝ်ႇပိူဝ်ႊ ဝႃႈၼႆ ယဝ်ႉ။
