ပၢႆးယူႇလီ
ၵႅတ်း (Circumcision)
- Details
- Published Date
- Written by ယိင်းလွႆတွၼ်း
ၵၢပ်ႈမိူဝ်ႈလဵဝ်လႄႉ ၵၼ်ၵႅတ်ႈၼင်ႁူမ်ႇပၢႆဢင်ႇၵႃႇလုၵ်ႈဢွၼ်ႇၸၢႆးၵိူတ်ႇမႂ်ႇ။ မၢင်ၸိူဝ်းၵေႃႈယွၼ်ႉ ယုမ်ႇယမ် ၼႂ်း သႃႇသၼႃႇ လႄႈပၢႆးယူႇလီၵေႃႈဝႃႈလႆႈ ၵွပ်ႈဝႃႈပေႃႈမႄႈမၢင်ၸိူဝ်းဝူၼ်ႉ ဝႃႈႁႄႉ ၵင်ႈတၢင်းပဵၼ်ၵႅၼ်ႇသႃႇ ဝႃႈၼႆ။
ၵူၺ်းၵႃႈၼႂ်းၵၢပ်ႈပၢၼ်မိူဝ်ႈလဵဝ် မေႃယႃမိူင်း ဢမေႊရိၵၢၼ်ႊၶဝ် ဢိင်ၼိူဝ်လွင်ႈၼႆႉသေ လၢတ်ႈဝႃႈ ပေႃးတေ ၵႅတ်းၼင်ႁူမ်ႇပၢႆဢင်ႇၵႃႇလုၵ်ႈဢွၼ်ႇၸိုင် ႁႂ်ႈတိူင်ႇပၢင်ႇၶဝ်သေၵွၼ်ႇဝႃႈ ၽွၼ်းလီၽွၼ်းၸႃႉမၼ်းမီးသင် ၽွင်ႈ ဝႃႈၼႆ။
ၽွၼ်းလီလွင်ႈၵႅတ်းၼင်
• ဢမ်ႇၸပ်းတၢင်းပဵၼ်လႆႈငၢႆႈလႄႈတၢင်းပဵၼ်ၵႅၼ်ႇသႃႇ
• ႁႄႉၵင်ႈတၢင်းပဵၼ်ဢၼ်ၸပ်းမႃးၸွမ်းလွင်ႈႁူမ်ႈၵႃႇမ
• ႁႄႉၵင်ႈတၢင်းပဵၼ်ယဵဝ်ႈၵႅတ်းလႄႈလွတ်ႇယဵဝ်ႈသႅပ်ႇၸဵပ်း
• ငၢႆႈတႃႇႁဵတ်းလွင်ႈမူတ်းသႂ်ဢင်ႇၵႃႇ
ၽွၼ်းၸႃႉမၼ်း
• ႁဵတ်းႁႂ်ႈၸပ်းတၢင်းပဵၼ်ငၢႆႈတီႈၵႅတ်းမၼ်းၼၼ်ႉ ယွၼ်ႉႁွႆးလိူတ်ႈ
• ဝၢႆးသေၵႅတ်းယဝ်ႉ လုၵ်ႈဢွၼ်ႇတေၸဵပ်းၵႅၼ်းၶၢၼ်ၸႂ်
• ၼႂ်းမၢင်ၸိူဝ်းၵေႃႈၸၢင်ႈၺႃးၵႅတ်းၼင်ဢွၵ်ႇၼမ် ဢမ်ႇၼၼ်ဢႄႇလိူဝ်ယွၼ်ႉဢမ်ႇႁူႉဝႃႈ
ၵႅတ်းမွၵ်ႈႁိုဝ်တေလီ
လွင်ႈၵႅတ်းၼင်ႁူမ်ႇပၢႆဢင်ႇၵႃႇၽူႈၸၢႆးၼၼ်ႉတေႁဵတ်းႁႂ်ႈဢင်ႇၵႃႇတိုၼ်ႇတူဝ်တႃႇသေႇသေ ႁဵတ်းႁႂ်ႈ ယိၼ်ႉဢင်ႇၵႃႇလူတ်းယွမ်းလူင်း။
ၶၵ်ႉတွၼ်ႈလၢႆးၵႅတ်းၼၼ်ႉ
(1) ပေႃးပဵၼ်ၼႂ်းလုၵ်ႈဢွၼ်ႇႁႂ်ႈတိုတ်းၵိၼ်ဢႁႃႇရတၢင်းၵိၼ်။ ၵူၺ်းၵႃႈပေႃးပဵၼ်ၽူႈယႂ်ႇတႄႉဢမ်ႇတိုတ်း ၵေႃႈလႆႈ။ ႁႂ်ႈၼွၼ်းလူင်းၼိူဝ်ၵူႇသေႁဵတ်းလွင်ႈမူတ်းသႂ်ဢင်ႇၵႃႇႁႂ်ႈမူတ်းသႂ်
(2) ထုၵ်ႇလီၺွပ်းတိၼ်ၺွပ်းမို်ဝ်းဝႆႉ
(3) သမ်းယႃၼႃ(ယႃမိုၼ်)တီႈႁူဝ်ၼဝ်ႇ
(4) ဢဝ်ၽႃႈဢၼ်မူတ်းသႂ်ပိၵ်ႉဝႆႉ
(5) လၢင်ႉႁွႆးယဵပ်ႉလႄႈႁဵတ်းလွင်ႈမူတ်းသႂ်ၸွမ်းၵူႈဝၼ်း
ၶေႃႈၾၢင်ႉ
ပေႃႈမႄႈလုၵ်ႈဢွၼ်ႇ ႁႂ်ႈတိူင်ႇပၢင်ႇမေႃယႃၵူႈၶၵ်ႉတွၼ်ႈၸွမ်းၼင်ႇၽွၼ်းလီၽွၼ်းၸႃႉမၼ်းသေၸင်ႇတတ်း သိၼ်ၸႂ် (တႅပ်းတတ်း) ႁဵတ်းၼၼ်ႉတေပဵၼ်ၽွၼ်းလီတႃႇလုၵ်ႈဢွၼ်ႇၸွမ်း။
