ၶၢဝ်ႇမိူင်းႁူမ်ႈတုမ်
ဢင်းၵိတ်ႉဢွၵ်ႇၽိုၼ်လၢႆးငၢၼ်း လွင်ႈပူၼ်ႉပႅၼ်သုၼ်ႇလႆႈသုၼ်ႇပဵၼ်ၵူၼ်း
- Details
- Published Date
- Written by သႅင်ၵိုင်ႇမိူင်း
လူင်ပွင်ၸိုင်ႈမိူင်းဢင်းၵိတ်ႉ ႁွင်ႈၵၢၼ်ၽၢႆႇၼွၵ်ႈမိူင်း ဢွၵ်ႇၽိုၼ်လၢႆးငၢၼ်း လွင်ႈသုၼ်ႇလႆႈ သုၼ်ႇပဵၼ်ၵူၼ်းလႄႈ တီႊမူဝ်ႊၶရေႊသီႊ ဝႃႈ မိူင်းႁူမ်ႈတုမ်မၢၼ်ႈယင်းတိုၵ်ႉမီး လွင်ႈပူၼ်ႉပႅၼ် သုၼ်ႇလႆႈသုၼ်ႇပဵၼ်ၵူၼ်း ၼႆ။
ၶၢဝ်ႇ RFA ဢွၵ်ႇဝႃႈ ၼႂ်းၼၼ်ႉလၢတ်ႈၼႄဝႃႈ မိူဝ်ႈပီၵၢႆ 2011 ပူၼ်ႉမႃးၼႂ်းလိူၼ်မၢတ်ႉၶျ် တႄႉငဝ်းလၢႆးၼႂ်းမိူင်းတႆး ႁၢဝ်ႉႁႅင်း၊ ထိုင်မႃးလိူၼ် ၵျုၼ်ႊ သမ်ႉၼႂ်းမိူင်းၶၢင်ႁၢဝ်ႉႁႅင်း။ မီးလွင်ႈပေႃႉထုပ်ႉၶႃႈႁႅမ်ၵူၼ်းမိူင်း၊ တဵၵ်းတဵင်ၵၼ်ႉၸၼ် လူလၢႆၼၢင်းယိင်း၊ ၶႃႈႁႅမ်တၢႆ ၵူၼ်းမိူင်းလၢႆၸဵမ်ၸိူဝ်းၼႆႉ ၼႆယဝ်ႉ။
ၸုမ်းတူင်ႉၼိုင်သူၼ်းတုမ်ပုၼ်ႈမိူင်းႁူမ်ႈတုမ်မၢၼ်ႈ ဢၼ်ပၵ်းသဝ်းၼႂ်းမိူင်းဢင်းၵိတ်ႉလၢတ်ႈဝႃႈ “ လွင်ႈဢၼ်လူင် ပွင်ၸိုင်ႈဢင်းၵိတ်ႉလႆႈဢွၵ်ႇၽိုၼ်လၢႆးငၢၼ်းၵဵဝ်ႇလူၺ်ႈမိူင်းႁူမ်ႈတုမ်မၢၼ်ႈ ၼၼ်ႉယူႇတီႈႁဝ်းၶႃႈ ၵမ်ႉထႅမ်ယူႇ။ ၼႂ်း ၽိုၼ်လၢႆးငၢၼ်းၼၼ်ႉ လၢတ်ႈၼႄငဝ်းလၢႆးမိူင်းႁူမ်ႈတုမ်မၢၼ်ႈသေဢၼ်လမ်ႇလွင်ႈတႄႉပဵၼ်ၼႂ်းၸေႈမိူင်းၸၢဝ်း ၶိူဝ်း လွင်ႈတိုၵ်ႉမီးၵၢၼ်ၶီႇၼဵၵ်း တဵၵ်းတဵင် ပူၼ်ႉပႅၼ်သုၼ်ႇလႆႈသုၼ်ႇပဵၼ်ၵူၼ်းၼၼ်ႉယဝ်ႉ”ၼႆ။
သိုပ်ႇလၢတ်ႈဝႃႈ ၼႂ်းၽိုၼ်လၢႆးငၢၼ်းလၢတ်ႈၼႄဝႆႉဝႃႈ မိူင်းႁူမ်ႈတုမ်မၢၼ်ႈထုၵ်ႇပိၼ်ႇပႅင် လႅၵ်ႈလၢႆႈ ထႅင်ႈတင်းၼမ် ဝႃႈၼႆယဝ်ႉ။
