ၶၢဝ်ႇမိူင်းတႆး

ႁူဝ်ပဝ်ႈလူင်ၶွင်ႇသီႇဢဝ်ၶိုၼ်းၸိုင်ႈတႆး SSA ဢႅဝ်ႇလႄႇမိူင်းလႃး

ႁူဝ်ပဝ်ႈလူင်ၶွင်ႇသီႇဢဝ်ၶိုၼ်းၸိုင်ႈတႆး တပ်ႉသိုၵ်းၸိုင်ႈတႆး SSA ဢႅဝ်ႇလႄႈ မိူင်းလႃး ပိုၼ်ႉတီႈပူၵ်းပွင်တူဝ်ၵဝ်ႇပွတ်းဢွၵ်ႇၶူင်းဢၼ်ၸဝ်ႈၸၢႆးလိုၼ်းဢွၼ်ႁူဝ် မီးလွင်ႈႁပ်ႉတွၼ်ႈ လီငၢမ်း။

ဝၢႆးသေပၢင်ဢုပ်ႇဢူဝ်းလွင်ႈငမ်းယဵၼ်ၸၼ်ႉၸိုင်ႈမိူင်းႁူမ်ႈတုမ်ပွၵ်ႈၵမ်း(2)တီႈၵဵင်းတုင်ယဝ်ႉတူဝ်ႈ လီငၢမ်း ၵႂႃႇ

မိူဝ်ႈဝၼ်းထိ 19/05/2012 ယဝ်ႉ ထိုင်မႃးဝၼ်းထိ 20/05/2012 ၸွမ်သိုၵ်းၸဝ်ႈယွတ်ႈသိုၵ်း ဢွၼ်ဢဝ်ၸုမ်းလုၵ်ႈ
ၼွင်ႉၵူႈႁွင်ႈၵၢၼ် ၵႂႃႇလႄႇယဵမ်ႈ ၸဝ်ႈၸၢႆးလိုၼ်းတီႈမိူင်းလႃး ၼႃႈလိၼ်ၶိုၵ်ႉ တွၼ်း ပူၵ်းပွင်တူဝ်ၵဝ်ႇ ၸိုင်ႈတႆး
ပွတ်းဢွၵ်ႇၶူင်းႁိမ်းလႅၼ် လိၼ်တႆး-ၶႄႇ။

ၽွင်းလုၵ်ႉၵဵင်းတုင်ဢွၵ်ႇၵႂႃႇၼၼ်ႉၽၢႆႇၸဝ်ႈၼႃႈတီႈမၢၼ်ႈ ဢဝ်ပုၼ်ႈၽွၼ်း လွင်ႈႁူမ်ႈလူမ်ႈသေ  ထိုင်တီႈတႃႈ
ပိင်း ၶူဝ်ၶၢမ်ႈမႄႈၼမ်ႉလူၺ်ၼၼ်ႉယဝ်ႉ ၽၢႆႇၸဝ်ႈၼႃႈတီႈမိူင်းလႃး မႃးသိုပ်ႇႁပ်ႉဢဝ်ပုၼ်ႈၽွၼ်း လွင်ႈႁူမ်ႈပၼ်
ထႅင်ႈ တေႃႇထိုင်မိူင်းလႃး။ လူတ်ႉတႄႇဢွၵ်ႇဝဵင်းၵဵင်းတုင်ယၢမ်း 10:00 AM သေႁွတ်ႈ ၽႅဝ်ဝဵင်းမိူင်းလႃး 12:30
PM ။ တူဝ်ၸဝ်ႈၸၢႆးလိုၼ်းၵေႃႉပႂ်ႉႁပ်ႉတွၼ်ႈၸုမ်းၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆးRCSS/SSA
တီႈႁူင်းလႅမ်းဢသေႉတၢႆးသေ။ ဝၢႆးသေႁွတ်ႈထိုင်ယဝ်ႉ သွင်ၸဝ်ႈ တူင်ႉတၵ်ႉ ဢုပ်ႇဢူဝ်းလွင်ႈယူႇလီၵိၼ်ဝၢၼ်
ၵၼ် ၵႅပ်ႉၼိုင်ႈသေ ႁူမ်ႈၵိၼ်ၶဝ်ႈဝၼ်းၸွမ်းၵၼ်ယဝ်ႉ လိုဝ်ႈႁိူဝ်ႉ လိုဝ်ႈၸႂ် ဢၼ်ႁိူဝ်ႉၶၢဝ်းတၢင်းမႃး။

ထိုင်ၵၢင်ၶမ်ႈ 7:00 PM ၼၼ်ႉႁူဝ်ပဝ်လူင်ၸဝ်ႈယွတ်ႈသိုၵ်း မီးပၢင်ၵိၼ်ၶဝ်ႈၶမ်ႈသၢင်ႈလွင်ႈၸမ်ၸႂ်ၵၼ်ၸွမ်း ၸဝ်ႈ
ၸၢႆးလိုၼ်း ၽူႈၼမ်းတပ်ႉသိုၵ်းဢူၺ်းလီ ၻီႊမွၵ်းၶရႅတ်ႊတိၵ်ႊၸိူဝ်ႉၸၢတ်ႈ- ၸိုင်ႈတႆး ပွတ်း ဢွၵ်ႇ NDAA ၸုမ်း
မိူင်းလႃး လႄႈ ၽူႈၼမ်းၸၼ်ႉသုင် လၢႆၵေႃႉလၢႆၸဝ်ႈ၊ ပႃးၸဵမ်ၵႅမ်ႁူဝ်ပဝ်ႈထိ 1 ၸဝ်ႈ သၢၼ်းပိူဝ်ႇ၊ ၵႅမ်ႁူဝ်ပဝ်ႈ ၶုၼ်
သၢင်ႇလူႇ၊ ၽူႈၼမ်းၼႂ်း ၸဝ်ႈသႅင်လႃႈ ၸိူဝ်းၼႆႉ။
 
ၸုမ်းၸဝ်ႈယွတ်ႈသိုၵ်း ၼွၼ်းလိုဝ်ႈတီႈမိူင်းလႃးၶိုၼ်းၼိုင်ႈသေ ထိုင်မႃး ၵၢင်ၼႂ်21/05/2012 ၸဝ်ႈၼႃႈတီႈ မိူင်း
လႃးဢွၼ်ဢဝ်ၸုမ်းၸဝ်ႈယွတ်ႈသိုၵ်းဢႅဝ်ႇလႄႇ တူၺ်းတၢင်းႁၢင်ႈလီမိူင်းလႃး လႄႈ လွင်ႈၵၢၼ်ပူၵ်းပွင် မိူင်းလႃး
ဢႅဝ်ႇလႄႇတူၺ်းၸဵမ်ဢဝ် ၵွင်းမူးဢၼ်ၸွမ်သိုၵ်းၶိၼ်ႇၺုၼ်ႉ (ပၢၼ်သိုၵ်းမၢၼ်ႈၼဢၽ ) မႃးလူႇဝႆႉ၊ လႅၼ်လိၼ်
တႆး-ၶႄႇ၊ ႁူင်းယႃလႄႈ ႁူင်းႁဵၼ်လူင်ပွင်ၸိုင်ႈ ၼႂ်းမိူင်းလႃးပႃး။ ၼႂ်းႁူင်းႁဵၼ်းလူင်ပွင် မိူင်းလႃးမီးၶၢဝ်းယၢမ်းသွၼ်
လိၵ်ႈတႆးပၼ်ပႃး ၼိုင်ႈဝၼ်းၼိုင်ႈၸူဝ်ႈမူင်းၼႆယဝ်ႉ။

ၵဵဝ်ႇၵပ်းလွင်ႈလႆႈၵႂႃႇလႄႇမိူင်းလႃးၼႆႉ ၸဝ်ႈယွတ်ႈသိုၵ်း လၢတ်ႈဝႃႈ “မီးတၢင်းသိူဝ်းလႄႈ ယိၼ်းၸူမ်းဢၼ် ၽူႈယႂ်ႇ
ၵူၼ်းလူင်မိူင်းလႃး ႁပ်ႉတွၼ်ႈလီတေႉတေႉ။ တင်းၸဝ်ႈၸၢႆးလိုၼ်း တိုၵ်ႉလႆႈႁၼ်ၵၼ် ပွၵ်ႈၼႆႉပဵၼ်ပွၵ်ႈဢွၼ်
တၢင်း သေ ယွင်ႈယေႃးထိုင်ၼမ်ႉၵတ်ႉၸဝ်ႈၸၢႆးလိုၼ်းဢၼ် သၢင်ႈမိူင်း ၶိုၼ်ႈမႃးလႆႈၶိုၼ်ႈယႂ်ႇ မွၵ်ႈၼႆႉ ”ၼႆယဝ်ႉ။
ၸဝ်ႈၸၢႆးလိုၼ်း လၢတ်ႈၼေမၼ်းၸဝ်ႈဝႃႈ မိူဝ်ႈဢွၼ်တၢင်းမိူင်းလႃးပဵၼ် ၸၢဝ်းၶိူဝ်းလၢႆၸၢဝ်းၶိူဝ်း ယူႇႁူမ်ႈၵၼ် သေ
ပဵၼ်ထိူၼ်ႇပဵၼ်ၶိူဝ်းဝႆႉ။ ၵွၼ်ႇတေပဵၼ် မိူင်းၶိုၼ်ႈယႂ်ႇမႃးလႆႈ ၼႆႉထူပ်းတၢင်းယၢပ်ႇၽိုတ်ႇ ၼမ်တေႉတေႉဝႃႈၼႆ။
ၸဝ်ႈယွတ်ႈသိုၵ်းလၢတ်ႈဝႃႈ “လွင်ႈလႆႈႁူပ်ႉထူပ်းၸဝ်ႈၸၢႆးလိုၼ်းပွၵ်ႈၼႆႉ ပႆႇမီးၶေႃႈမၼ်ႈၵႅၼ်ႇတူၵ်းလူင်း သင်ၵၼ်၊
ဢၼ်လႆႈမႃးဢႅဝ်ႇလႄႇပွၵ်ႈၵမ်းၼႆႉ လႄႉသၢင်ႉတၢင်းတေႃႇလႄႈ မႃးၸႂ်းၵၼ်ၸိူင်ႉၼၼ်ၵူၺ်း။ ၵူၺ်းၵႃႈလွင်ႈ
ဢၼ်တေႁဵတ်းၵၢၼ်ၵႂႃႇၸွမ်းၵၼ်ယူႇႁႃႉၼႆၼၼ်ႉ ႁဝ်းပဵၼ်ၸၢဝ်းၶိူဝ်းတႆးၼင်ႇၵၼ်လႄႈ တႆးၵူႈတီႈတိုၼ်းလူဝ်ႇ
လႆႈႁူမ်ႈမိုဝ်းၵၼ်ႁဵတ်းၵၢၼ်ယူႇယဝ်ႉႁၼ်ထိုင်ၼင်ႇၼႆ” ၼႆယဝ်ႉ။

ဝၢႆးသေ ဢႅဝ်ႇလႄႇမိူင်းလႃးယဝ်ႉ မွၵ်ႈၵၢင်ၼႂ် 10:00 AM ဝၼ်းထိ 21/05/2012 ၸင်ႇပူၼ်ႉဢွၵ်ႇၶၢဝ်းတၢင်းမႃး
ၵဵင်းတုင် တႃႇပွၵ်ႈၶိုၼ်းတႃႈၶီႈလဵၵ်း လႄႈငဝ်ႈၸိုင်ႈယူႇယဝ်ႉ။ ၸွမ်းၶၢဝ်းတၢင်းၵေႃႈပီႈၼွင်ႉ ၵဵင်းတုင်-တႃႈၶီႈလဵၵ်း
ႁပ်ႉႁူမ်ၸူမ်းတွၼ်ႈ ၸုမ်းၸိူဝ်းၸဝ်ႈယွတ်ႈသိုၵ်းၼင်ႇၵၼ်။