ၶၢဝ်ႇမိူင်းတႆး

ပၢင်ၵုမ်သိုဝ်ႇၶိုၵ်ႉတွၼ်းယဝ်ႉတူဝ်ႈလီငၢမ်း၊ ဢိၼ်ႊတူဝ်ႊၼီႊသျႃႊ ႁပ်ႉပဵၼ်ၸဝ်ႈတႃႇၼႃႉ ပီၼႃႈ

ပၢင်ၵုမ်သိုဝ်ႇၶိုၵ်ႉတွၼ်း Asia Media Summit ဢၼ်ၸတ်းတီႈၵုင်းထဵပ်ႈ ၸိုင်ႈထႆး ယဝ်ႉတူဝ်ႈ ၵႂႃႇလီငၢမ်းသေ  ဢိၼ်ႊတူဝ်ႊၼီးသျႃႊ ႁပ်ႉပဵၼ်ၸဝ်ႈတႃႇၼႃႉ တႃႇၸတ်းထႅင်ႈၼႂ်းပီ 2013 ဢၼ်တေမႃး။

ပၢင်ၵုမ်သိုဝ်ႇၶိုၵ်ႉတွၼ်း Asia Media Summit ဢၼ်ၸတ်းၶိုၼ်ႈတီႈႁူင်းလႅမ်းသူဝ်ႊလ်ၾီး ၵႅၼ်လ်လၢတ်ႉ ၽၢဝ်း ၵုင်းထဵပ်ႈမိူဝ်ႈဝၼ်းထိ 29/05/2012 ပူၼ်ႉမႃးၼၼ်ႉ ယဝ်ႉတူဝ်ႈၵႂႃႇၼႂ်း ဝၼ်းထိ 30/05/2012သေ ဢိၼ်ႊ တူဝ်ႊၼီးသျႃႊ ႁပ်ႉပဵၼ်ၸဝ်ႈတႃႇၼႃႉၼႂ်းပီ 2013 ဢၼ်တေမႃး ထိုင်ၼႆႉ ၼႆယဝ်ႉ။

ႁူဝ်ၶေႃႈပၢင်ဢုပ်ႇဢူဝ်းၼႂ်းဝၼ်းထိ 30/05/2012 ၼႆႉ လၢတ်ႈထိုင်လွင်ႈသိုဝ်ႇၶၢဝ်ႇ လမ်ႇလွင်ႈတႃႇ တူင်ႇဝူင်းၵူၼ်း လႄႈ လွၵ်ႈပူၵ်းပွင်သိုဝ်ႇၸွမ်းၵၢပ်ႈပၢၼ် IT လိူဝ်ၼၼ်ႉ လၢတ်ႈထိုင်လွင်ႈၶၢဝ်ႇၸိူဝ်းမီးလွင်ႈလွတ်ႈလႅဝ်း ၼၼ်ႉမီး လွင်ႈယုမ်ႇယမ်လိူဝ် ႁွင်ႈၵၢၼ်ၶၢဝ်ႇ ဢၼ် မီးၸဝ်ႈငိုၼ်းထုၼ်းလႄႈလူင်ပွင်ၸိုင်ႈၵုမ်းၵမ်ဝႆႉၼၼ်ႉတေႉတေႉ။

ပၢင်ၵုမ် သိုဝ်ႇၶိုၵ်ႉတွၼ်းၼႆႉပဵၼ်ပၢင်ၵုမ် ဢၼ်ၸတ်းၶိုၼ်ႈၵူႈပီ၊ ယိူင်းဢၢၼ်းတႃႇႁႂ်ႈသိုဝ်ႇၶၢဝ်ႇမီးလွင်ႈလွတ်ႈ လႅဝ်း လႄႈ ပူၵ်းပွင်ႁႂ်ႈတူင်ႉဝူင်းၵူၼ်းဝႆႉၵႃႈၶၼ်လွင်ႈသိုဝ်ႇၶၢဝ်ႇ။ ပၢင်ၵုမ်ပွၵ်ႈ ၵမ်းၼႆႉသၢႆမၢႆၵူၼ်းၸိူဝ်းမႃးၶိုၼ်ႈ ႁွတ်ႈမီး 30 ၸိုင်ႈမိူင်းတူဝ်ႈလုမ်ႈၾႃႉ၊ ၼပ်ႉပဵၼ်ႁူဝ်ၵူၼ်း ၵေႃႈမီး 500 ၵေႃႉပၢႆယူႇယဝ်ႉ။