ၶၢဝ်ႇလုမ်ႈၾႃႉ

ယေႊမဵၼ်ႊ ၶိုၼ်းသိမ်းလႆႈ ၼႃႈလိၼ် ဢႅဝ်ႊၶေႃႊ ဢီႊတႃႊ

တပ်ႉသိုၵ်းမိူင်းယေႊမဵၼ်ႊၼမ်ႉမိုၼ်ႇ လေႃႇတိုၵ်းလႄႈသိုမ်းလႆႈၶိုၼ်း ပိုၼ်ႉတီႈ မိူင်းပွတ်းၸၢၼ်းၶွင်ယေႊမဵၼ်ႊ ဢၼ်ၸုမ်း ၵေႃႇၵၢၼ်ႁၢႆႉဢႅဝ်ႊၶေႃႊဢီႊတႃႊ ၼပ်ႉႁဵင်ယၢမ်ႈပၵ်းယၢဝ်းယူႇဝႆႉ ၼႆ။

သိုဝ်ႇၶၢဝ်ႇၼွၵ်းမိူင်း ႁၢႆးငၢၼ်းမိူဝ်ႈဝၼ်းထိ 18/05/12 ဝႃႈ မိူဝ်ႈဝႃး (ဝၼ်းထိ 17/05/12) တပ်ႉသိုၵ်းမိူင်းယေႊမဵၼ်ႊ ပိုၼ်ၽၢဝ်ႇသိပ်းလႆႈၶိုၼ်း မိူင်းလေႃႊတေႃႊ ပွတ်းၸၢၼ်းၶွင်ယေႊမဵၼ်ႊ ဢၼ်ၸုမ်းၵေႃႇၵၢၼ်ႁၢႆႉ ဢႅဝ်ႊၶေႃႊဢီႊ တႃႊမွၵ်ႈ 1000 ၵေႃႉပပ်းသဝ်းဝႆႉ ၼႆယူႇ။

ၵၢၼ်သိပ်းၶိုၼ်းၼႃႈလိၼ်ပွၵ်ႈၼႆႉ တပ်ႉသိုၵ်းယေႊမဵၼ်ႊ ၸႂ်ႉႁႅင်းသိုၵ်းမွၵ်ႈ 25000 ၵေႃႉ၊ မီးဢႃႊမေႊရိႊၵၢၼ်ႊ ပဵၼ်ၽူႈပၼ်တၢင်းၸွႆႈထႅမ် လႄႈ ပၢင်တိုၵ်းတႄႇပဵၼ်မႃးတၢင်ႈတႄႇဝူင်ႈပူၼ်ႉ။ လိူဝ်သေၼႆႉ တပ်ႉသိုၵ်းယေႊ မဵၼ်ႊ တိုၵ်ႉၶတ်းၸႂ်ဝႅပ်ႉႁွပ်ႈလႄႈသိမ်းၶိုၼ်း မိူင်းၸျႃႊဢႃႊ လႄႈ မိူင်းသိၼ်ႊၸီႊပႃႊ ဢၼ်မီးၽူႈၵေႃႇၵၢၼ်ႁၢႆႉ ပၵ်းသဝ်းဝႆႉႁူမ်ႈမွၵ်ႈ 5000 ၵေႃႉ ၼႆယူႇ။

မိူဝ်ႈပီၵၢႆ ၸုမ်းၵေႃႇၵၢၼ်ႁၢႆႉဢႅဝ်ႊၶေႃႊဢီႊတႃႊ ၶဝ်ႈသိမ်းမိူင်းဢွၼ်ႇလၢႆလၢႆမိူင်း ၶွင်ယေႊမဵၼ်ႊ လႄႈ မိူင်းၸိူဝ်းထုၵ်ႇသိမ်း ၸိူဝ်းၼႆႉ ယူႇပႃႈတႂ်ႈၵၢၼ်ၵုမ်းထိင်းၶွင် ဢႅဝ်ႊၶေႃႊဢီႊတႃႊ လႄႈ ပဵၼ်တီႈၸုတုမ်ႁႅင်းသိုၵ်း ဢႅဝ်ႊၶေႃႊဢီႊတႃႊ ၼႆယဝ်ႉ။