ၶၢဝ်ႇလုမ်ႈၾႃႉ

ၵူၼ်းမိူင်းထုၵ်ႇၶႃႈတၢႆ တင်းၼမ် ၼႂ်းမိူင်းသီႊရီႊယိူဝ်ႊ

ၽၢႆႇပၵ်းတႃတူၺ်းလွမ်ၸၢတ်ႈၸိုင်ႈလုမ်ႈၾႃႉၸိူဝ်းမီးယူႇဝႆႉၼႂ်းဝဵင်းႁဝ်ႊလႃႊ (Houla) ၼႂ်းၸိုင်ႈမိူင်း သီႊရီႊယိူဝ်ႊ လၢတ်ႈဝႃႈတပ်ႉသိုၵ်းလူင်ပွင်ၸိုင်ႈသီႊရီႊယိူဝ်ႊ လႆႈၶႃႈႁႅမ်ၵူၼ်း 90 ၵေႃႉပၢႆၼႆ။

ၽူႈဢၼ်တူင်ႉၼိုင် ယူႇၼႂ်းမိူင်းသီႊရီႊယိူဝ်ႊ လၢတ်ႈၼႄဝႃႈၼႂ်းၽူႈၸိူဝ်းလုတၢႆၵႂႃႇၼၼ်ႉ ၵမ်ႈၼမ်ပဵၼ် ၼၢင်း ယိင်း လႄႈလုၵ်ႈဢွၼ်ႇ ၼႆယဝ်ႉ။

ဝၢႆးသေမီးၵူၼ်းမိူင်းလုတၢႆတင်းၼမ် မိူဝ်ႈဝၼ်းသုၵ်းပူၼ်ႉမႃးၼၼ်ႉယဝ်ႉ ၽူႈတူင်ႉၼိုင်ယူႇၼႂ်း မိူင်းသီႊရီႊယိူဝ်ႊ ၶဝ်လႆႈတုၵ်းယွၼ်းတီႈ ၽၢႆႇပၵ်းတႃတူၺ်းလွမ်ၸၢတ်ႈၸိုင်ႈလုမ်ႈၾႃႉ ပိူဝ်ႈတႃႇၵႅတ်ႇၶႄပၼ်ၵူၼ်းမိူင်းၼမ်လိူဝ်ၵဝ် ဝႃႈၼႆ။

ၸွမ်းၼင်ႇၶၢဝ်ႇ VDO ၼႂ်း Internet တၢင်ႇဝႆႉဝႃႈ ဢၼ်ၼၢင်းယိင်းလႄႈလုၵ်ႈဢွၼ်ႇ သီႇႁႃႈသိပ်းၼွၼ်းတၢႆယူႇ ၼႂ်းႁွင်ႈမီးလိူတ်ႈၼွင်းယူႇသဵင်ႈၼၼ်ႉ ၶၢဝ်ႇ BBC တႄႉလၢတ်ႈဝႃႈ “ VDO ဢၼ်ၼႆႉၸႂ်ႈတႄႉဢမ်ႇၸႂ်ႈတႄႉပႆႇ ၸၢင်ႈယိုၼ်းယၼ်ႇ(မၵ်းမၼ်ႈ)လႆႈသေတႃႉ တႃႇတေႁဵတ်းၵႅင်ႈထၢႆႇဝႆႉ ၼၼ်ႉလႅပ်ႈပဵၼ်ဢၼ်ယၢပ်ႇယူႇဝႃႈၼႆယဝ်ႉ။