ၶၢဝ်ႇလုမ်ႈၾႃႉ

လူင်ပွင်ၸိုင်ႈ သီႊရီႊယိူဝ်ႊ ဢမ်ႇယွမ်းႁပ်ႉလွင်ႈၶႃႈတၢႆၵူၼ်းမိူင်း

ၸွမ်းၼင်ႇမီးလွင်ႈၶႃႈႁႅမ်ၵူၼ်းမိူင်းလုတၢႆတင်းၼမ် ၼႂ်းဝဵင်းႁဝ်ႊလႃႊ (Houla) ၼႂ်းၸိုင်ႈမိူင်း သီႊရီႊယိူဝ်ႊ ၼၼ်ႉ သေၽူႈမီးပုၼ်ႈၽွၼ်းၽၢႆႇလူင်ပွင်ၸိုင်ႈၶဝ်လၢတ်ႈဝႃႈ ဢမ်ႇၵပ်းၵၢႆႇၵၼ်တင်း တပ်ႉသိုၵ်းဢၼ်ဢဝ် ႁူမ်ႇလူမ်ႈလူင် ပွင်ၸိုင်ႈ ၼႆယဝ်ႉ။

ဝၢႆးသေမီးလွင်ႈၶႃႈႁႅမ် ၼၢင်းယိင်းလႄႈလုၵ်ႈဢွၼ်ႇ မွၵ်ႈ 90 ၵေႃႉပၢႆပၢႆ မိူဝ်ႈၼႂ်းဝၼ်းသုၵ်း ပူၼ်ႉမႃး ၼၼ်ႉသေၵူႈ ၸိုင်ႈမိူင်းၸႂ်ဢမ်ႇလီၸွမ်းလႄႈၸႂ်လမ်လွင်ႈပူၼ်ႉပႅၼ်ပိူင်ၵူၼ်းတေႉတေႉၼႆ။

ၵီႊႁၢတ်ႊမႅၵ်ႊတီႊၸီႊ ၽွင်းလူင်ၽၢႆႇၼွၵ်ႈမိူင်းၶွင် သီႊရီႊယိူဝ်ႊ လၢတ်ႈတီႈ ၼႂ်းပၢင်သပ်းလႅင်းၸႅင်ႈ ၶၢဝ်ႇဝႃႈ “ၽူႈ လုၵ်ႉၽိုၼ်ႉ မွၵ်ႈ 100 ၵေႃႉပၢႆ ပႃးတင်းၶိူင်ႈၵွင်ႈၵၢင်ႇတဵမ်ထူၼ်ႈယဝ်ႉၶဝ်ႈမႃး ၼႂ်းဝဵင်းႁဝ်ႊလႃႊ (Houla)၊ ဝႆႉၵူၼ်း မိူင်းပဵၼ်ပဝ်ႉမၢႆသေ ပိုတ်းယိုဝ်း" ဝႃႈၼႆ။

သိုပ်ႇလၢတ်ႈထႅင်ႈဝႃႈ ယွၼ်ႉတပ်ႉသိုၵ်းလူင်ပွင်ၸိုင်ႈၼႆႉမီးတၢင်းႁတ်းႁၢၼ်တဵမ်တီႈလႄႈ တႃႇတေပိုတ်းယိုဝ်းၶႃႈ တၢႆၼၢင်းယိင်းလႄႈလုၵ်ႈဢွၼ်ႈ ၼႆႉဢမ်ႇမီးၼႆ။

ၸွမ်းၼင်ႇမီးလွင်ႈၶႃႈတၢႆ ၼၢင်းယိင်းလႄႈလုၵ်ႈဢွၼ်ႇ တင်းၼမ်ၼႆႉသေ မၼ်းယင်းၼႄဝႃႈ လူင်ပွင်ၸိုင်ႈသီႊရီႊ ယိူဝ်ႊ ဢမ်ႇမီးပုၼ်ႈၽွၼ်းသင် ဢမ်ႇၵဵဝ်ႇၶွင်ႈလွင်ႈၶႃႈတၢႆၵူၼ်းမိူင်း ဝႃႈၼႆယဝ်ႉ။