ၶၢဝ်ႇလုမ်ႈၾႃႉ
ၵူၼ်းတၢႆ 106 ၵေႃႉယွၼ်ႉပၢင်တိုၵ်းၼႂ်း ဢီႊရၵ်ႊ
- Details
- Published Date
- Written by သႅၼ်သီၾႃႉ
ၽူႈမီးပုၼ်ႈၽွၼ်း ဢီႊရၵ်ႊ လၢတ်ႈဝႃႈ ယွၼ်ႉၸုမ်းလုၵ်ႉၽိုၼ်ႉၶဝ်ၸႂ်ႉၶိူင်ႈၵွင်ႈၵၢင်ႇပိုတ်းယိုဝ်း ဢိၵ်ႇတင်းၸႂ်ႉမၢၵ်ႇ တႅၵ်ႇ ၸိူဝ်းၼႆႉၶဝ်ႈတိုၵ်းၼႂ်း 15 ၸႄႈဝဵင်း ၼႂ်းၸိုင်ႈမိူင်း ဢီႊရၵ်ႊ မိူဝ်ႈဝၼ်းထိ 23/07/2012 ၼၼ်ႉသေ မီးၵူၼ်း လုတၢႆ 106 ၵေႃႉ၊ မၢတ်ႇၸဵပ်း 200 ၵေႃႉပၢႆ။
မိူဝ်ႈဝၼ်းထိ 10/05/2010 ပူၼ်ႉမႃးမီးၵူၼ်းတၢႆ 100 ၵေႃႉပၢႆသေ ပၢင်တိုၵ်းမိူဝ်ႈလဵဝ်ၼႆႉ လႆႈဝႃႈပဵၼ်လွင်ႈလုသုမ်း ၼမ်တေႉတေႉၼႆ။ ပၢင်တိုၵ်းဢၼ် ႁၢဝ်ႉႁႅင်း သုတ်းပဵၼ်မိူဝ်ႈဝႃးပွတ်းၼိူဝ်ၶွင် ဝဵင်းလူင် ပႅၵ်ႊတႅၵ်ႊ (Baghdad) ႁၢင်ႇၵၼ် 16 လၵ်း၊ ၼႂ်းဝဵင်းတႃႊၵျီႊမီးၵူၼ်းတၢႆၸမ် 40 ၵေႃႉၼႆယဝ်ႉ။
ပၢင်တိုၵ်းပွၵ်ႈၼႆႉလုၵ်ႉသိုၵ်းဢီႊရၵ်ႊလႆႈလုတၢႆ 15 ၵေႃႉ ယွၼ်ႉမီးၸုမ်းၽူႈလုၵ်ႉၽိုၼ်ႉၵေႃႉၼိုင်ႈ ၶဝ်ႈပိုတ်းယိုဝ်း တီႈတပ်ႉၼႆယဝ်ႉ။
မိူဝ်ႈလဵဝ် ၼႂ်းဝဵင်းၵႃႊၵၢပ်ႊ တိုၵ်ႉမီးမၢၵ်ႇတႅၵ်ႇပဵၼ်တီႈသေ ၼႂ်းဝဵင်းလူင်ပႅၵ်ႊတႅၵ်ႊ(Baghdad) ၵေႃႈမီးၵၢၼ်ဝၢင်း မၢၵ်ႇတႅၵ်ႇၸွမ်း လူတ်ႉၸိူဝ်းၼႆႉပႃး။ ပၢင်တိုၵ်း ဢၼ်လႆႈပဵၼ်ၵႂႃႇမိူဝ်းဝႃးၼႆႉ ပဵၼ်ႁွႆးမိုဝ်း ၽူႈလႂ်ၵေႃႉလႂ်တေႉတေႉ ယင်းပႆႇႁူႉၼႆယဝ်ႉ။
